أنباء عن عودة قناة شام الى الساحة الاعلامية

نحن مللنا الوعود و الانتظار
نتمنى أن يتحقق الحلو و لو يوما واحدا
و بصراحة انا متفائل بشغلة واحدة
لو القناة ما بدها ترجع ما كانت عملت لنا دورات مكثفة بمسلسلاتها
شو جابرها تضل تبث و هي ما عندها شي ؟؟
أكيد عندها أمل و إن شاء الله يتحقق قريبا ...

بيقول المتل (( الحق قناة شام لورا الباب ))
اي لأ ما بصدق عن جد قناة شام رح ترجع ؟؟؟؟؟؟؟؟
أكيد هي كذبة نيسان لأنو قناة شام عودتنا عالأكاذيب متلها متل قناة الدنيا هديك التانية ضلت سنتين ونص وهيي تطوش سمانا وتوعدنا ببرامج ونشرات اخبار وافلام وما بعرف شو وبالآخر ما طلع من امرا شي متلها متل القناة التانية بالتلفزيون السوري
المشرق بتحطك يا شام انتي والدنيا بجيبتها

اخي لا شك ان بأن المشرق هي اقوى قناة سورية ولكن بخصوص شام هذه المرة عنجد وانا بعرف معلومات كبيرة عن شام بخصوص رجعتها بس لا استطيع نشرها

أنا شايف إنو ما بدا ترجع برمضان القناة رجعت من أبل لإنو في كتير إشيا تغيرت فيها ... مثلا ما عادت عرضت إعلانات مصرية متل كرومبو...... و إذا بدك نغمات اتصل من سوريا ........... بس انشالله تغير طريقة عرض إعلاناتا لإنو فعلا شي بخجل .

أخ سفير سوريا
اللي بيكذب مرة بيكذب كل مرة
قناة شام صار لها اربع سنين ونص وكل سنة بتوعدنا بشي جديد وما منشوف شي اي اصلا صار عنا الامر عادي الكذب صار بدمنا وما عدنا نصدق اي شي منسمعو
شام الفضائية و تلفزيون الدنيا أنا بسميهن (( مسيلمة الكذاب و الاسود العنسي ))

عفوا اخي عاشق ولكن شام لم توعد احد

انما كان هناك صحفي يتكلم عن لسانها ويؤلف اخبار من عنده

أكيد قصدك محمد انور المصري من موقع سيريا بوست يمكن كان عم يجيب أخبار حلوة عن قناة شام بمثابة جرعة مسكنة للمشاهدين حتى يضلوا متفائلين

مارح سمي اسماء بس بعض الصحفيين كانوا يحكوا عن لسان القناة ولما نحنا نتصل عالقناة يقولولنا ما عنا هيك شي

بالذمة يا جماعة مين هن ابطال هالتمثيلية اللي اسمها ((عودة قناة شام)) اي والله صار الها شي 10 اجزاء

ااصلا ما في احلى شام ومن برامج شااااام رافعاا راسنا دايمااا رغم كل المبغضيييين يلي عم بحاااولوا يشوهووو سمعتااا

بالفعل ما في احلى من قناة شام لدرجة انو بعلي صوت التلفزيون عالاخير بس يطلع المسلسل وبضعفو عالاخير بس يطلع دعايات الظاهر مهندس الصوت غبي

شباب طولوا بالكون مو مهم ترجع برمضان المهم شو في بعد رمضان
رح نرجع على دعايات الرقم الاصفر والمحقق كرمبوا والمسلسلات اللي عرضتون برمضان رح ترجع تعيدون
لرمضان السنة الجاية
بتمنى عنجد انو انطلاقتا تكون بعد رمضان بدورة برامجية متكاملة ............
وما كل ما يتمناه المرء يدركه................

ليكنا ناطرين ما ورانا شي
اتسكرت قنوات وانفتحت قنوات والشام بعدا على حطة ايدا
أنا واثق يا جماعة انو حفيدي كمان رح ينتظر بفارغ الصبر عودة قناة شام

تفائل بالخير يا عاشق الا ما تفرج