العاملون في قناة الدنيا يهددون بالإضراب وخلافات في صفوف الإدارة تتصاعد

اخ ميشو سؤالك حلو

انا اعتراضي على طريقة الطرد اللي متل ما قلت ما بتمت للعمل الاعلامي بصلة وهو منافي للعمل الاعلامي واخلاقيات المهنة

موضوع إقالة عدد من موظفي الدنيا مضى عليه 3 أسابيع حتى الآن ، والغريب أنه لا زال هناك من يتكلم بنفس الموضوع ، أنتم تخلقون شيء من لا شيء ولا داع لطول الكلام ! هذا رأيي من جهة.
ومن جهة أخرى: خلص ... الموضوع انتهى والأمور تسيير على مايرام ، وعاد الهدوء والاستقرار ليعم المكان ، ويلي مشيوا أو أقالوهم الله يجمعهم بشغل أفضل بيتناسب مع قدراتهم يلي ما ناسبت تلفزيون الدنيا...
أما السادة إدارة الموقع:
كل الشكر والاحترام لكم على تزويد الجميع بآخر المعلومات التي تخص المحطات الفضائية.
ولكن لدي مأخذ:
أنتم تقولون أن الموقع ساحة حوار ، طيب أليس الأجدر أن يكون الحوار داخل القناة مع الأشخاص المعنين وذوي الصلة بالموضع ؟
بعدين القصة تم تضخيمها ، أي شو مافي بالدنيا غير هال 10 موظفين يلي سرحوهم ؟ الدنيا فيها شي 200 موظف ، ومن هون منقدر نستنج شي:
ليش مامنقول إنو هالمجموعة يلي مشووهم هنن مجموعة من الناس غير الجيدين ويلي كانو متفقين بين بعضهم؟
بعدين: أي طريقة سيئة سرحوهم فيها ؟ ليش أساساً لما حدا من المحطة عم يجي فرصة شغل جديدة، عم يستنى 3 شهور وبعدين يروح؟؟؟؟؟
أكيد لاء ، لح يترك دغري ؟
والمحطة كمان اعتذرت منهم وعطتهم تعويضاتهم يلي كانت تقتطعها من رواتبهم ...
فأي طريقة إعلامية وغير إعلامية عم تحكو فيها ؟؟
ما المحطة معباية ناس مفكريين حالهم يالطيف شغلة كبيرة ، هدول الناس بالناقص منهم ، معلش اسمحولي أنا موقصدي شي !

أرجو أن بصل صوتي إلى زملائي الموظفين في قناة تلفزيون الدنيا عبر هذا المنتدى الكريم:

زملائي العاملين في تلفزيون الدنيا:
اسمحوا لي برفع القبعة وتوجيه باقة عطرة من الزهور الجميلة إلى كل الأشخاص أصحاب الذوق الرفيع والأخلاق العالية في المحطة وهم كثر والحمد لله.
واسمحو لي بتوجيه عبارة : ((( ابتسامتك لا تهمني ))) إلى كل الأشخاص الذين يتصرفون بطريقة غبية وساذجة ويعتقدون أنفسهم قادرين على إخفاء قرص الشمس وسط السماء ، الأشخاص الذين يلبسون قناع ((الوجه المقلوب)) على أنهم أناس مهمين في المحطة ويتوجب علينا أن نخاف منهم علماً بأنهم أشخاص (نكرة) وبيضحكو ، ومتل مابيقولو (حارتنا ديقة ومنعرف بعض)

وأنا شخصياً مع هذا المنتدى للعظم متل مابيقولوا ، بركي بيوصل الشي يلي بدي وصله للناس يلي حابب يوصلهم الحكي.

يلي وجهه سعيد دائماً ، أقول له: إنشاء الله أيامك سعيدة طول العمر والله يعطيك على هوى نيتك.
ويلي بيحاول يعمل حالو مهم ووجهو بيكون مقلوب برجع بقله: إبتسامتك ما بتهمني أبداً ... وإن شاء الله بيضل وجهك مقلوب وحظك متل وجهك ! وإن طلعت وإن نزلت مبين شو أنت !

شكر جزيل للمنتدى

غريب جداً الكلام الذي نسمعه عن قناة الدنيا !!!
المحطة جميلة جداً وتتجه نحو الأفضل كما نرى ، فما هذا الذي نسمعه ؟؟؟
المحطة برامجها حلوة والفريق الجديد من المذيعين مهضومين كتير وظراف !
الله يهدي النفوس ...

الصراحة: الطريقة يلي انطردوا فيها هل كم واحد ، كان بدهم اكتر من هيك بألف مرة (الله لايردكم) وخصوصاً كسار الزبادي

إضراب ؟؟؟؟
بعيد الشر شو هالفال نحنا من غير دف عم نرقص
صرلي 2 سنتين بالمحطة وأول مرة بسمع إنو بدهم يأضربوا
أي تضربو لكان

مرحبا دخلت عالمنتدى لنتطمن وتفاجأت برد حدا من الناس ، إنو عيب طبعاً الواحد يفضح أسرار عمله داخل المكان يلي بيشتغل فيه ، بس أنا مو هاد قصدي ، أنا قصدي إنو فصل الموظفين وغيرها ، هي مواضيع بتخص المحطة ومالازم تطلع لبرا ، وإذا كتير قلبك عالمحطة تفضل شرف وفوت لعند فراس دباس وأحكي معهو ،مو تنشر غسيلك قدام الناس .. وشكراً

الأحسن يعملوها قناة متخصصة بالدراما لأنها اكتر شي نجحت فيه قناة الدنيا هو الد
راما وبالمرة بتضارب على قناة سورية دراما ذات البث السيء والرديء

الأول: معقول فراس الدباس مامعو شهادة بالإعلام
الثاني: شبك فنجرت عيونك وفتحت تمك ورخيت ***** إي إي مامعو شهادة بالإعلام
الأول: لك أنا مو هيك أصدي.. بس كان بدي قلك انووو...
الثاني: شو مابتفهم عربي مامعو بطيخ شهادة إعلام
الأول : لك فهمت بس ..
الثاني : هو أصلا مالو مسجل بكلية الإعلام ok?
الأول: لك شو رأيك تخليني آكل هوى وإحكي وحاجة تقاطعني
الثاني: شرف ألعي
الأول: أنا يلي بدي قولو إنو السيد فراس الدباس مامعو شهادة الإبتدائي حتى
الثاني:*********** **** *****
الأول:الله وكيلك مامعو إبتدائي وال**** منهيك مابيعرف يقرا ويكتب ..لك وين راييييييح
الثاني: مهاااااجر..

هزلت

رحم الله إمرئ عرف قدر نفسه فوقف عنده..