القائمة النهائية لاعمال قناة Orient في رمضان .. الدراما تتالق في رمضان على Orient

مسلسل خليجي كوميدي وبافضل وقت الساعه 10
وطبعا معروفه المسلسلات الخليجيه الكوميديه بسخافتها وسقالتها
هادا خطا كبير

اعمال في غاية الروعة
كلو شي فاخر
بالنسبة الي اورينت هي التوب عندي ورح تابع كل مسلسلاتا برمضان

انو انت تركت كل القائمة ولحقتلي الخليجي
بالعكس حركة ذكية
بيعرفوا انو ماحدا رح يتابعن بهالوقت لانو هاد وقت باب الحارة على ام بي سي
احسن ما يحطوا شي مسلسل سوري وما حدا يتفرج عليه

قائمة جميلة جدا
بدي تابع كل مسلسلاتا لانو كلن حلوين

اذا حطو اي مسلسل سوري مو احسن من تاخليجي وما بدي قلكم لانكم بتعرفو تفاهة وسقالة المسلسلات الكوميديه الخليجيه
كان فيهم يحطو ما ملكت ايمانكم شاميات او حتى اها الرايه او الخبز الحرام
او اذا اصرو كان فيهم يحطو مسلسل مصري كوميدي النو بيضل المصريين اهضم
كما انو المسلسلات الخليجيه ما بدها دعم عندهن شي 20 محطه اما نحنا .....

هاي عادتنا
منطلع عالقسم الفارغ من الكباية ... ترك قائمة مسلسلات طويلة عريضة بس مشان ينتقد عرض مسلسل خليجي

بسيطة
المهم شباب بنصحكن تتابعو لعنة الطين مسلسل قوي كتير ورح يعمل ضجة عنا بسوريا
وارينت هالسنة داخلة بقوة لرمضان
بس شو ضل للتلفزيون السوري وقناة الدراما حتى تعرض ؟!! وشو مشان الدنيا لهلا ما اعلنت الا على 3 اعمال !!!

الأورينت عودتنا ع التألق
مبيضة وجهنا
شكرا ع الخبر

معقول بقعة ضوء عرض اول عالاورينت !! معقول قناة الدنيا تتخلى عن الورة الرابحة من ايدا وتعطيا للاورينت
!!؟؟
تصرفات غريبة من قناة الدنيا
على كل حال ببقعة ضوء او بلاه اورينت هالسنة حلوة كتير واحلى من السنة الماضية

رائع رائع رائع من قناة المشرق الغالية على قلبي اعمال حلوة كتير
حيوتاي اتاي يا اورينت

انا مانب عم انتقد اورينت الا للارتقاء بها وانا بقول انو المسلسلات روعه وهي عرفت تظبط وضعها
بس كان كل قصدي انو المسلسلات ااخليجله مو ناقصا دعم وما كان قصدي قلل من اهمية اورينت ومسلسلاتها للسنه
وباعتقادي ماكان في داعي لكل هادا منكم
مجرد تعبير عن الراي
وشكرا لموقع شاشه سوريه

ما بعرف ما بيعجبني تفكيرك وارائك يعني بكل شي بتحكيه ولا مرة شفتك عم تحكي شي كلمة مزبوطة وعلى كل نقد نقد على شغلات فاضية
وجهة نظر يا سيدي

بعدين عم تقول بتنتقد مشان الارتقاء بالاورينت طيب لهلا ما شفتك حكيت كلمة تفيد القناة
يعني عم تنتقد المسلسل الخليجي !! يعني لو ما عرضت خليجية هون بتكون عم ترتقي القناة
انتقدت باب الحارة وعرضه طيب لو ما عرضته بتكون عم ترتقي !
ياريت لو بتنتقد البرامج اللي عم تطلع عالمحطة المذيعين الفايتين بالحيط تدني مستوى القناة ومن هالاشياء
مو تترك الجوهر وتلحق القشور
وسوري عالازعاج

اولا فانا اسف ع التاخير لانو كل ما بدي افتح موقع شاشه سوريه بيقلولي انو انا مفصول من الموقع مع اني ماني عضو مو غريب
المهم بالنسبه للخط والكتابه المفشلكه فهي ناتجه عن السرعه فانا بعتذر منكم
الاهم لو فكرت معي شوي فبتعرف انو الخطأ مو بالمسلسلات الخليجيه بل بنوعها فهي كوميديه والكوميديا الخليجيه غليظههههههههههه
فلو انو الاورينت مصره تعرض مسلسل مو سوري فكان فيها تعرض كوميدي مصري عنجد كان اهضم بعدين بدك تقنعني انو انتا كسوري رح اتابع هالمسلسل
المسلسل ما فيه شي يشبهنا مو هيك ؟؟
اما عن باب الحاره فانا ما انتقدته مين قلك اني انتقدته
ام بالنسبه للبرامج والمقدمين فهادا شي بديهي لاي مشاهد بيتابع اورينت لاسبوع وما في داعي احكي لانو واضح
بصراحه هلق اورينت ما بتنشاف
بس انشاء الله برمضان وبعده تزبط وضعها وترجع تنهض من جديد

حاجة انت وياه
على اساس مغشمين حالكن قال يعني ما هيك
واضحة ما بدا 17 يحكوا فيا
جايبين عمل خليجي مشان ياخدوا اعلانات من الخليج
بدا زكى الشغلة
اصلا بكل الاحوال ما حدا حيتابعا بهالوقت لانو هاد وقت باب الحارة على ام بي سي
بكل الاحول عندن مسلسلات السنة احلى من السنة الماضية
بانتظار ضيعة ضايعة

عاساس مسلسل اعنه الطين عاورينت برمضان