العاملون في قناة الدنيا يهددون بالإضراب وخلافات في صفوف الإدارة تتصاعد

واسفاه على ما يحصل في هذه القناة
شو هالادارة الفاشلة هاي يروحوا حطو ناس بتفهم بالاعلام مو ناس جهلة

يا عيب الشوم على هالادراة الفاشلة ... طلعت ريحتن يا زلمة

لا حول ولا قوة الا بالله ... مو رايحة الا على هالمساكين الموظفين الله يعينن من تسلط الجهلة

يعني شووووووو متوقعين من واحد ما معو شهادة بالاعلام وما بيفهم بالاعلام !!!!!! ولسا ما شفوا شي طولوا بالكم وشوفوا

يعني شووووووو متوقعين من واحد ما معو شهادة بالاعلام وما بيفهم بالاعلام !!!!!! ولسا ما شفوا شي طولوا بالكم وشوفوا

يعني اللي عم تعملو ادارة قناة الدنيا فعل غير لائق باعلامييها وباسمها ... لقد شوهوا سمعة القناة بأفعالهم هذه

في الله يا جماعة في الله والله عالظالم

صباح الخير
انا اول مرة بشارك بالتعليق وحابب قول شغلة
واسفاه على اعلام بلدي اللي كانو مكتوب عليه الشقاء والتعتير
من قناة شام اللي اتسكرت وصار كادرها الاعلامي عاطل عن العمل لقناة الدنيا اللي من تخبط لتخبط لقناة الدعوة اللي طلعت واختفت بظروف غامضة وبسرية تامة لقناة الاورينت اللي كمان طردت موظفين من مكاتب دمشق وبعدا اتسركت المكاتب واصبح كادرها ايضا عاطل عن العمل وبعدا كوادر دبي انطرداوا

شو هالحال هاد كانو مكتوب انو يكون اعلامنا بائس لهالدرجة !!!! ليش هيك يالله ليش !!!

السادة موقع شاشة سورية:
السادة القرّاء:
ليس العيب من الأستاذ فراس،
أيها السادة: تلفزيون الدنيا وللأسف مليء بالأشخاص التافهين وعديمي الأخلاق وهذا طبعاً حصل بالصدفة، ومعظم اللذين تم طردهم هم من ((الفاسدين)) صدقوني لا أدافع عن أحد ولا أتهم أحد، ولكن معظم الدفعة القديمة هم أناس حقودين لأن الأستاذ فراس لم يقبل بطبيعة عملهم السيئة فهم كانوا يحسبون أنفسهم بأنهم إمبراطوريات.
والله يا جماعة مو العيب بالأستاذ فراس الله وكيلكن، واللي عم يقول عنو جاهل، فبحب قله: هالجاهل يلي مو معبي عينك ما كان في شي اسمو سوريا الدولية لولاه ، وتاني شي: كانوا يقول الكبار الله يرحم أيامهم:الفهم فضلوه عن العلم ، وشو نفع المدير يلي عنده مئة شهادة ومابيفهم شي اسمو إدارة ؟؟؟
السادة إدارة موقع شاشة سورية المحترمون:
أرجوكم عرض هذا التعليق وعدم التصرف بانحياز:

أستاذ فراس ،
معظم الأسماء اللذين طردتهم يستحقون ذلك ((والله يلحق الحبل بالدلو)) يعني عقبال عند باقي الفاسدين
أستاذ نطلب منك مزيداً من الإصغاء لمشاكلنا

السادة مشاهدي تلفزيون الدنيا الأعزاء:
أرجو منكم عدم إلقاء أهمية لكل ما تقرأونه عن قناتكم (تلفزيون الدنيا)، فالأوضاع تسير بصورة جيدة وعلى ما يرام ، ومن لم يتأكد بإمكانه زيارة القناة والتأكد بنفسه.

القصة ومافيها:
تم تسريح عدد من العاملين مؤخراً ،وذلك لعدة أسباب:
إما لعدم كفاءتهم وهذا أولاً.
أو لسبب الثاني وهو تزايد كبير في عدد الموظفين منذ أيام الإدارة السابقة ، الأمر الذي يجعل عدداً كبيراً من الموظفين يحصلون على الراتب بدون عمل أو جهد.
هي كل القصة ، وإدارة القناة قامت بالإعتذار من الكثيرين لعدم الحاجة لكل هذا العدد.
والأمور تسيير على مايرام.

ملاحظة:
بعض الناس يلي عم تسمح لحالها تحكي عن السيد فراس الدباس على كيفها ، أجيبهم:

أولاً: الأستاذ فراس أباً عن جد من عيلة ميسورة جداً ولولا هيك ما كان فكر عضو مجلس الشعب السوري الأستاذ محمد حمشو يناسب عيلته.

ثانياً: نعم صحيح الأستاذ فراس لا يحمل شهادات ولكنه يمتلك عقلية التاجر ، فأهله تجار أباً عن جد أيضاً .والتجارة ليست بالأمر السهل مطلقاً وهي مصدر للمال أهم بكثير من الشهادات .

أستاذ فراس نرجو منك النظر في تسريح من تبقى ممن لا يمكلون أي خبرة وهم من أصحاب القرر ، وإعطاء صلاحية أكبر للأستاذ عدنان حجازي لأنه قادر على التغيير وأكبر دليل على ذلك تجربته مع mbc

يلي عم يقول عن فراس الدباس لا يملك شهادة في الإعلام ، أجيبه إن أهم الإعلاميين لا يحملون شهادة إعلام بل بعضهم لا يملك أكثر من شهادة ثانوية حتى.

شو هالمنافسة بمدح وذم فراس دباس


ما رح نخلص من هالقصة


واذا في تغيير وطرد لازم يطردوا اغلب العاملين بالقناة لانو صارلون 3 سنين وما عملو شي


باستثناء كم شغلة منا برنامج ملاعب الغد

بس ما يتم طردن بهالطريقة المستفزة
في شي اسمو اخلاقيات مهنة

صح كادر الدنيا القديم اخد فرصتو وما اثبت جدارتو بس ما يتم طرد بهالشكل لانو هالشي في اساءة للقناة وللاعلام السوري

تاني بخصوص اللي رح يجي محلن
منتمنى يتوظفوا على اساس مسابقات مو واسطة

ولا شو يا فراس افندي ؟!!!

انشاء الله يتم اختيار كادر جديد ومتميز
للنهوض بالقناة
أما بالنسبة للبرامج ارجوا تعميم تجربة برنامج الكرة بملعبك
على كافة البرامج وتعيين موظفين متخصصين و متفرغين للبرنامج فقط لان من أهم أسباب
نجاح الكرة بملعبك هو التخصص و العمل الجماعي في البرنامج بروح متفانية لاظهار البرنامج بأبها حلة
كما ارجوا التعاون مع شركات متخصصة بالغرافيك لعمل الشارات للبرامج و الفواصل

وشكراً 

بعيدا عن الخلافات الحاصلة في تلفزيون الدنيا

وتسريح الموظفين او طردهم مو فرق الدنيا هي القناة السورية الوحيدة على الساحة

ومجرد وجودا شي منيح فا ما بدنا نصل ليوم يقرر اصحاب القناة انو يسكروها

وفي حال الادارة عم تفكر تطور من القناة بتمنى انا تعمل مثل تلفزيون الاورينت وتتعاقد مع شركات اجنبية

مختصة بمجال الاعلام و التدريب والديكو بس مع انا تحافظ على طابعها السوري..

أولاً: عيب على كل موظف من موظفي تلفزيون الدنيا إنو يفضح أسرار محطتو ، لأنو هاد مكان عمل وبمثابة بيت تاني ، ومتل مو في أسرار ببيتو ، لازم يحافظ على سرية شو عم يصير داخل المحطة ، لأنو هاد الشي مو حلو بحقه أصلاً .

ثانياً: المنيح ويلي عم يشتغل من قلبو مستحيل إدارة المحطة تتخلى عنو أبداً ، إلا في حال واحد بس ، وهو بعض الثرثارين والتفهة وعديمي الأخلاق ممن يقومون بما يسمى ب (اللت والعجن) الفاضي وممن يتصرفون بلا أخلاقية وهم كُثُر للأسف .

ثالثاً: تعودنا دائماً نكون ورا ، ليش ما حدا فكر فيكم ، يدخل لعند المدير العام ويحكي معه بشكل معقول !ّ
أكيد الأستاذ فراس مالو (بعبع) ؟؟؟؟ ولا شو ؟

رابعاً: متل مو هالمكان بيحوي على ناس بيكرهوا المدير بيحتوي كمان على ناس بتحترمه .

خامساً: يلي عم يحكي على مديرو بهالطريقة وقدام الناس ، أكيد هاد إنسان غير محترم أصلاً ، ومالو خايف على سمعة المكان يلي عم يشتغل فيه ، ومجرد تصرفه بهالطريقة يدل على مدى (خبثه) لو ما كان عرفان حالو مقصر بعمله ماكان خاف إنو يسرحوه
صح ولا لاء ؟

سادساً: كفاكم إنشغالاً بأمور لا تقدم ولا تأخر ، ولينصرف كل منكم إلى عمله ، وليعطي أكثر ما عنده ، وقتها لن تفكر الإداؤة مطلقاً برفده .

لست منحازاً لأي أحد ، ولكن يدي بيدكم حتى نرتقي بهذا المكان إلى أرقى وأعلى المستويات ، والفاسد رجاء رجاء رجاء ، أترك هذا المكان فوراً لأنك لن تستمر حتماً .

ليش مين هي ساندرا مدري شو ، وقديش عمرها بوسط الإعلام أصلاً ؟

مذيعات صباح الخير بدهن تدريب قاسي جداً ليصيروا متل العالم وبالأخص كونفوشيس إم حنك

والله شغلة هالموقع غريبة كتير ، وشكلو ما حدا مستفيد منو قد أصحابو يلي عم ياخدو معلومات عالبارد المستريح ، وكأنو القائمين عليه (جهلة) تعاليق ؟؟؟؟ أي شو هاد ؟ شو هالذكاء ؟ تعاليق (عليقات) يعني ، أسمها تعليقات يا سادة